Qazaqstanda sheteldikterdi deportatsııalaý erejesi ózgerýi múmkin

<p>ASTANA. KAZINFORM &ndash; Qazir kóshi-qon baqylaýyn kúsheıtýge baǵyttalǵan túzetýlerdiń jańa paketin ázirleý máselesi pysyqtalyp jatyr. Bul týraly búgin Іshki ister mınıstrligi Kóshi-qon qyzmeti komıtetiniń tóraǵasy Aslan Atalyqov aıtty.</p>

«El zańnamasyn buzǵan sheteldikterdi memleket aýmaǵynan shyǵarý tártibi qaıta qaralyp jatyr. Qazir bul tártip óte kúrdeli. Sheteldikterdi shyǵarýdyń protsesi tym uzaq», - dedi A. Atalyqov Ortalyq kommýnıkatsııalar qyzmetindegi baspasóz máslıhatynda.

Sonymen qatar ol sheteldikterdi tirkeý ınstıtýtyn qaıtarý máselesi pysyqtalyp jatqanyn aıtty. Bul óz kezeginde týrısterge emes, Qazaqstanda 30 kúnnen artyq bolǵysy keletinderge qatysty bolady.

«Jańa deportatsııa ınstıtýtyn engizý josparlanǵan. Bul turǵyda zań talaptaryn óreskel túrde buzatyndardy Qazaqstan aýmaǵynan jedel shyǵarý qadamdary eskerilgen», - dedi komıtet basshysy.

Budan buryn habarlanǵandaı, bıyl elimizdegi sheteldikterge 1 mlrd teńge aıyppul salyndy.