Qazaqstanda sheteldik tasymaldaýshylar úshin alym mólsherlemesi artady
Bul qadamdar «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zań jobasynda qamtylǵan.
«Zań jobasynda Salyq kodeksinen QQS asyp ketýin qaıtarý kezinde qoldanylatyn QQS baqylaý shoty jónindegi normalardy alyp tastaý usynylady», - dedi S. Sımonov Májilistiń jalpy otyrysynda.
Onyń aıtýynsha, mundaı sheshim Qarjy mınıstrligi tarapynan júrgizilgen pılottyq joba kezinde qabyldandy.
Sonymen qatar zań jobasynda Qazaqstan Respýblıkasynyń aýmaǵy boıynsha halyqaralyq qatynasta jolaýshylar men júkterdi tasymaldaýdy júzege asyratyn sheteldik avtokólik quraldarynyń júrip ótýi úshin sheteldik tasymaldaýshylarǵa arnalǵan alym mólsherlemesin 20-dan 30 AEK-ke deıin arttyrý eskerilgen.
Qujatta temeki ónimi bóligindegi «aktsızdik markalar» termınin «sáıkestendirý quraldary» termınine aýystyrý usynylǵan.
Budan buryn habarlanǵandaı, jalpy otyrysta «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zań jobasy birinshi oqylymda maquldandy.