Qazaqstanda sheteldik ınvestıtsııa men eksport kólemi artyp keledi

ASTANA. QazAqparat - Qazaqstanda óńdeý ónerkásibine salynǵan sheteldik ınvestıtsııalar kólemi artty, dep habarlaıdy QazAqparat QR Investıtsııalar jáne damý mınıstri Jeńis Qasymbekke silteme jasap. 

«Indýstrııalandyrý baǵdarlamasynyń ekinshi besjyldyǵy boıynsha naqty bazalyq maqsattar aıqyndalyp, olardy kezeń-kezeńimen josparly túrde oryndap kelemiz. Jańa ındýstrııalyq ósim núktelerin qura otyryp, kásiporyndardy jańǵyrtýdamyz. Sektordaǵy tikeleı sheteldik ınvestıtsııalar kóleminiń 2,8 esege ulǵaıýy bıznestiń qyzyǵýshylyǵyn týǵyzyp otyr. Al, salanyń negizgi kapıtalyna salynǵan ınvestıtsııa 1,8 ese ósti», - dep jazdy mınıstr Facebook jelisinde. 

Onyń aıtýynsha, mınıstrlik otandyq ónerkásiptiń ishki ǵana emes, syrtqy naryqta da básekege qabiletti bolýy úshin kúsh salyp keledi. 

«2018 jyldyń alǵashqy 6 aıynda baǵdarlamany iske asyrý kórsetkishteri jaman emes. Óńdeý sektorynda 4 922,5 mlrd teńgeniń ónimi óndirildi. ıAǵnı, ótken jylmen salystyrǵanda 5,2% ósim bar. 2018 jyldyń qańtar-aqpan aılarynda óńdeý ónerkásibi óniminiń eksport kólemi 22,1%-ǵa ósip, 2 515,3 mln AQSh dollaryn qurady. Sondaı-aq, birinshi jartyjyldyqta óńdeý ónerkásibiniń negizgi kapıtalyna salynǵan ınvestıtsııa kólemi artty», - deıdi Jeńis Qasymbek.