Qazaqstanda shekaralyq jerlerdi jalǵa berýge tyıym salyndy

ASTANA. QazAqparat - Memleket basshysy Nursultan Nazarbaev shekaralyq jerlerdi paıdalaný men Qazaqstan aýmaǵy arqyly ótetin arnaıy amerıkalyq júk tranzıtine qatysty eki zańǵa qol qoıdy, dep habarlaıdy QazAqparat tilshisi «Egemen Qazaqstan» gazetine silteme jasap.

Atap aıtqanda, Elbasy Qazaqstan Respýblıkasynyń jer zańnamasyn jetildirýge baǵyttalǵan «Qazaqstan Respýblıkasynyń keıbir zańnamalyq aktilerine jer qatynastaryn retteý məseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy Aýǵanstan Islam Respýblıkasynyń turaqtylyǵy jəne qaıta qalpyna keltirý jónindegi is-qımylǵa Amerıka Qurama Shtattarynyń qatysýyna baılanysty Qazaqstan Respýblıkasynyń aýmaǵy arqyly arnaıy júktiń kommertsııalyq temir jol tranzıtin qamtamasyz etý týraly kelisimge ózgeris engizý týraly hattamany ratıfıkatsııalaý týraly» zańdarǵa qol qoıdy.

Birinshi zańǵa sáıkes, endi shekaralyq aımaqtarda ornalasqan jer telimderin jekemenshikke berýge jáne paıdalanýǵa resmı túrde tyıym salynady.