Qazaqstanda sharýalardy sýbsıdııalaý júıesi jetildirildi

<p>ASTANA. KAZINFORM &ndash; QR aýyl sharýashylyǵy mınıstri Aıdarbek Saparov elimizdiń agrarlyq sektoryn damytýǵa yqpal etetin mańyzdy bastamalar men reformalar týraly aıtyp berdi.</p>

Onyń aıtýynsha, negizgi baǵyttardyń biri – sýbsıdııalaý júıesin jetildirý. Osylaısha, qarjy ınstıtýttarynyń syıaqy mólsherlemelerin jyldyq «taza» 5%-ben tikeleı sýbsıdııalaý tetigi engizildi.

Otandyq aýyl sharýashylyǵy tehnıkasynyń jeńildetilgen lızıngi baǵdarlamasy iske qosyldy. Qazirgi ýaqytta fermerlerdiń osy baǵdarlamaǵa qatysýǵa ótinimderi qaralýda.

«Otandyq tyńaıtqyshtardy avanstyq sýbsıdııalaý tetigi engizildi. Osy tetik aıasynda sýbsıdııalar normasy 50%-dan 60%-ǵa deıin ulǵaıtyldy. Sý berý jónindegi qyzmetterdiń qunyn sýbsıdııalaý qaǵıdalaryna sý berýshilerge tikeleı shyǵyndardy óteýdi kózdeıtin ózgerister engizildi. Sý únemdeý tehnologııalaryn engizýdi yntalandyrý úshin jergilikti bıýdjet qarajaty esebinen ınvestıtsııalyq sýbsıdııalaý 50%-dan 80%-ǵa deıin ulǵaıtyldy», - dedi A. Saparov Úkimettiń búgingi otyrysynda.

Dalalyq jumystardy kredıtteýde kepildik jetispeýshiligin sheshý úshin qaryz somasynyń 85%-na portfeldik kepildik berý engizildi. Bul kóptegen fermerlerge qajetti qarjy resýrstaryna qol jetkizýge múmkindik beredi.

Sonymen birge, áleýmettik-kásipkerlik korporatsııalar arqyly iri ónerkásiptik ınvestıtsııalyq jobalardy iske asyrý boıynsha SQO tájirıbesin tırajdaý jalǵasýda. 2024 jyldan bastap baǵdarlama aıasynda taýarlyq sút fermalaryn, sýarý, kókónis saqtaý qoımalary men qus fabrıkalarynan basqa taǵy 8 baǵytty qarjylandyrý kózdelgen.

«Aýyl amanaty» jobasy boıynsha 17 myńǵa jýyq shaǵyn nesıe berý josparlanǵan, bul maqsatqa 2024 jylǵa 100 mlrd teńge qarastyrylǵan. Aýyl sharýashylyǵy ónimderi óndirisin eki ese arttyrý maqsatynda AÓK damytý tujyrymdamasyn iske asyrý úshin qadamdyq Jol kartasy bekitildi.

Budan basqa, sý únemdeý tehnologııalaryn qoldana otyryp, sýarmaly jerler alańyn jylyna 150 myń gektarǵa deıin ulǵaıtý mindeti tur. Búgingi kúni56,3 myń gektar nemese 37,3% jer keńeıtilgen. Mınıstrlik mundaı tehnologııalardy satyp alý kezinde shyǵyndardy sýbsıdııalaýdy jergilikti bıýdjet esebinen 50%-dan 80% -ǵa deıin ulǵaıtý boıynsha jumys júrgizdi.

Buǵan deıin A. Saparov bıdaı, kúrish alqaptary qysqaryp, maıly daqyldarǵa basymdyq berilgenin aıtqan edi.