Qazaqstanda Shamıl Alıaýtdınov sııaqty dintanýshylar bar ma
"Búginde Qazaqstan musylmandary dinı basqarmasy osy máselege qatty alańdap keledi. Sebebi bizde ondaı adamdar az. Iá, óz oıyn erkin bildirip, tıisti aqparatty jetkize alatyn din qyzmetkerleri men ımamdar bar. Biraq olardyń sany kóp emes bolǵannan keıin, "500 ımam" baǵdarlamasy qolǵa alyndy. Atalǵan bastama ımamdardyń sheberligin shyńdaýdy kózdeıdi. Árıne, Shamıl Alıaýtdınov ózindik orny bar adam ǵoı. Bálkim, dál sondaı adam joq shyǵar. Degenmen, bizdiń ımamdarymyz da qalyspaı keledi", - deıdi B.Kúlekeev. Osy oraıda ol Bas múftı men onyń orynbasarlaryn mysal retinde keltirdi. Sebebi olardyń teologııalyq bilimderi myqty ári memlekettik saıasatty jaqsy biledi.
"Sondyqtan bizde ondaı mamandar joq dep aıtýǵa bolmaıtyn shyǵar. Olardyń sany az. Sosyn olar xalyqpen jumys isteýdiń basqa ádis-tásilderin qoldanady. Eń bastysy, dinı basqarma bul problemany jaqsy túsinedi jáne ımamdardyń sheberligin shyńdaýǵa kúsh salyp keledi", - dedi komıtet basshysynyń orynbasary Astanada ótken baspasóz máslıxatynda.