Qazaqstanda shaǵyn jáne orta bıznes sany 2,5 esege artty
Jalpy otyrys barysynda Májilis depýtaty Nurtaı Sabılıanov Qarjy jáne Ulttyq ekonomıka mınıstrlerinen shaǵyn jáne orta bıznes qyzmetinen túsetin salyqtyq túsimderge monıtorıng nelikten júrgizilmeıtindigin, onyń úlesi qandaı ekenin suraǵan bolatyn.
Ulttyq ekonomıka mınıstri Tımýr Súleımenovtiń aıtýynsha, shaǵyn jáne orta bıznesti damytý mınıstrliktiń jáne jalpy Úkimettiń basym baǵyttarynyń biri sanalady.
«Biz úshin eń negizgi kórsetkish - shaǵyn jáne orta bıznestiń jalpy qosylǵan quny. Sońǵy 5 jyldyń ishinde, 2012 jyly shaǵyn jáne orta bıznestiń jalpy qosylǵan quny 5,3 trln teńgeni qurady. Al ótken jyly 13,5 trln teńge bolǵan edi. ıAǵnı, sońǵy 5 jyldyń ishinde shaǵyn jáne orta bıznestiń 2,5 esege ósýin baıqap otyrmyz. Bul óte jaqsy, eleýi kórsetkish deýge bolady. Salyqtyq túsimderge qatysty aıtar bolsam, bizdiń esepteýimiz boıynsha olar ótken jyldyń ishinde 10 paıyzǵa ósti», - dedi Tımýr Súleımenov.
Óz kezeginde Qarjy mınıstri Baqyt Sultanov ta bıýdjetten memlekettik baǵdarlamalarǵa, shaǵyn jáne orta bızneske jan-jaqty qoldaý kórsetiletindigin aıtty.
«Al monıtorıng týraly aıtar bolsaq, 300 iri kásiporynnyń jalpy jyldyq aınalym kólemi bireýinde ǵana 105 mlrd teńgeni quraıdy. Bul shaǵyn jáne orta bıznestiń aınalymynan 900 esege úlken. Sondyqtan qatelikter, jaltarý syzbasy bolǵan kezde olar bıýdjettiń shyǵyndaryna edeýir áserin berýi múmkin. Sondyqtan jalpy iri kásiporyndardyń 80 paıyzynyń salyqtyq tólemderin beretin 300 kásiporynǵa arnaıy monıtorıng jasalady. 1,5 mln salyq tóleýshilerdiń 90 paıyzyn shaǵyn jáne orta bıznes quraıdy. Aldymyzǵa qoıylǵan maqsatqa sáıkes jalpy ishki ónimniń úlesinde 50 paıyz shaǵyn jáne orta bıznes bolýy kerek. Olar da baqylaýdan túspeýi tıis. Tıisti jumys júrgizilip jatyr», - dedi Baqytjan Sultanov.