Qazaqstanda shaǵyn jáne orta bıznes óndirgen ónim kólemi artyp keledi
«Resmı statıstkalyq derekterge sáıkes 2019 jyldyń qańtar-maýsymynda respýblıkanyń jalpy ishki ónimindegi shaǵyn jáne orta bıznestiń úlesi 28,5 paıyzdy qurady. Bizdiń mindetimiz - bul kórsetkishti 2025 jyly 30 jáne 2050 jyly 50 paıyzǵa jetkizý. Bul damyǵan elderdiń deńgeıine saı keledi», - dedi ol.
Osy oraıda vıtse-mınıstr Qazaqstannyń «Doing Business» reıtınginde 3 satyǵa kóterilip, álemniń 190 eliniń arasynda bıznes júrgizýdegi TOP-25 memlekettiń qataryna qosylǵandyǵyn eske saldy.
«Bul jyldan-jylǵa bıznesti damytý úshin qolaıly jaǵdaı jasaýǵa baǵyttalǵan úkimettik sharalar utymdylyǵynyń naqty kórsetkishi», - dedi Jasulan Mádıev.
Sonymen qatar ol shaǵyn jáne orta bıznes óndiretin ónimderdiń kólemi de artyp kele jatqandyǵyna nazar aýdartty.
«2019 jyldyń qańtar-maýsymynda shaǵyn jáne orta kásipkerlik sýbektileri óndirgen ónim kólemi 12,7 trln teńgeni qurady jáne 2018 jyldyń tıisti kezeńimen salystyrǵanda 10,8 paıyzǵa ósti. Eger jyldar boıynsha nátıjelerdi salystyrar bolsaq, onda 2018 jyly 26,5 trln teńgeniń ónimi shyǵarylǵan edi. Bul 2015 jyldyń kórsetkishinen 70 paıyzǵa kóp», - dedi vıtse-mınıstr.