Qazaqstanda saılaýda múmkindigi shekteýli jandarǵa jaǵdaı jasalǵany qatty qýantty - Italııa baıqaýshysy

ASTANA. QazAqparat - Qazaqstanda saılaýda múmkindigi shekteýli jandarǵa jaǵdaı jasalǵany qatty qýantty. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Italııa senatory, NATO parlamenttik Assambleıasy delegatsııasynyń múshesi Franko Panıtstsa málim etti.

«Biz búgin saılaýǵa daýys berýge kelgen xalyqtyń joǵary belsendiligin kórip otyrmyz. Óz daýystaryn jastar jaǵy da kóp berip jatyr. Jastarmen qatar egde jastaǵy azamattar da kelip jatty», - dep atap ótti F. Panıtstsa.

Onyń aıtýynsha, saılaýda múmkindigi shekteýli jandardyń da qatary kóp.

«Múmkindigi shekteýli azamattarǵa kóp jaǵdaılar jasalǵany bizdi qatty qýantty. Sonymen qatar shetelde turatyn qazaqstandyqtarǵa daýys berýge barlyq múmkindikter berilgen. Olar óz tańdaýlaryn jasaı alady. Bizdi barlyǵy joǵary deńgeıde uıymdastyrylǵandyǵy da jaqsy pikirde qaldyryp otyr. Daýys berý protsesinde tártip bar», - deıdi Italııadan kelgen baıqaýshy.

Onyń atap ótkenindeı, xalyqaralyq baıqaýshylar ózderiniń jumystarynda saılaýdyń tek jaǵymdy ótip jatqandyǵyn erekshe ataýda.