Qazaqstanda saılaý zańnamasyn buzýdyń 30 faktisi tirkeldi

NUR-SULTAN. QazAqparat – Elektoraldy kampanııa aldynda elimizde saılaý zańnamasyn buzýdyń 30 jaǵdaıy tirkeldi. Bul týraly Ortalyq saılaý komıssııasynyń otyrysynda Aqparat jáne qoǵamdyq damý vıtse-mınıstri Kemelbek Oıshybaev tolyǵyraq aıtyp berdi, dep habarlaıdy QazAqparat tilshisi.

«Jalpy, qoǵamdyq pikirge saýalnamany tıisti talaptar boıynsha, bul týraly Ortalyq saılaý komıssııasyna habarlaǵan uıymdar ǵana júrgize alady. BAQ saýalnama júrgizetin adamdardy jáne oǵan tapsyrys bergen adamdardy kórsetýi kerek. Elektoraldy kampanııa aldynda bul baǵytta biz saılaý zańnamasyn buzýdyń 30 jaǵdaıyn tirkedik. Oǵan qatysty materıaldar tıisti organdarǵa joldandy», - dedi Kemelbek Oıshybaev.

Vıtse-mınıstr sonymen qatar qoǵamdyq pikirge júrgizilgen saýalnama nátıjesin jarııalaý tártibine de toqtaldy.

«Sonymen birge qoǵamdyq pikirge júrgizilgen saýalnamanyń nátıjesi, saılaý nátıjesine baılanysty boljamdar, basqa da zertteýler daýys berý kúnine bes kún qalǵanda jáne daýys berý kúninde jarııalanbaýy tıis. Buǵan deıin aıtylǵandaı, tynyshtyq kúni úgitteý maqsatynda BAQ-qa kez kelgen materıaldy jarııalaýǵa tyıym salynady», - dedi Kemelbek Oıshybaev.