Qazaqstanda saıahatqa shyǵýǵa bolatyn jańa týrıstik oryndardyń tizimi bekitiledi

ASTANA. QazAqparat – Elimiz boıynsha týrıster saıahattap baratyn oryndardyń sany artady, dep habarlaıdy QazAqparat tilshisi.

AshyqNQA portalynda jarııalanǵan Mádenıet jáne sport mınıstriniń buıryq-jobasynda týrıstik oryndardyń tizimin tolyqtyrý josparlanyp otyrǵany jazylǵan.

Qujatqa saı, endi Qazaqstan boıynsha týrıstik aýmaqtar qataryna myna oryndar engiziledi:

- Abaı oblysynyń «Tarbaǵataı» memlekettik ulttyq tabıǵı parki;

- Abaı oblysyndaǵy Alakól kóliniń jaǵalaýy;

- Shyǵys Qazaqstan oblysynyń «Katon-qaraǵaı» memlekettik ulttyq tabıǵı parki;

- Balqash, Prıozersk qalalaryn qosa alǵanda, Qaraǵandy oblysynyń Balhash kóliniń jaǵalaýy;

- Jetisý oblysynyń «Altyn-Emel» memlekettik ulttyq tabıǵı parki;

- Jetisý oblysyndaǵy Balqash kóliniń jaǵalaýy;

- Jetisý oblysynyń «Jońǵar-Alataý» memlekettik ulttyq tabıǵı parki;

- Jetisý oblysyndaǵy Alakól kóliniń jaǵalaý;

- Abaı oblysyndaǵy Shoshqaly kóliniń kýrorttyq aımaǵy;

- Abaı oblysyndaǵy «Abaı-Shákárim» keseneler kesheni;

- Abaı oblysyndaǵy Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-murajaıy;

- Aqtóbe oblysyndaǵy «Qarǵaly» sý qoımasynyń kýrorttyq aımaǵy;

- Aqtóbe oblysyndaǵy «Aqtolaǵaı» taý jotasy;

- Aqtóbe oblysyndaǵy «Barqyn» qumdary;

- Aqtóbe oblysyndaǵy «Aqqum» qumdary;

- Aqtóbe oblysyndaǵy «Qasqyr» sarqyramasy;

- Jetisý oblysyndaǵy Tekeli qalasy

- Qyzylorda oblysyndaǵy «Hanqoja» kóli;

- Qyzylorda oblysyndaǵy «Qorqyt ata» kesenesi;

- Qyzylorda oblysyndaǵy «Qamysty» kóliniń kýrorttyq aımaǵy;

- Qyzylorda oblysyndaǵy Jańaqorǵan balshyq kýrorttary;

- Túrkistan oblysyndaǵy Úkasha ata kesenesi men qudyǵy;

- Túrkistan oblysyndaǵy Báıdibek ata kesenesi;

- Túrkistan oblysyndaǵy Domalaq ana kesenesi;

- Túrkistan oblysyndaǵy Qos ana kesenesi;

- Túrkistan oblysyndaǵy Baba túkti Shashty Áziz kesenesi;

- Túrkistan oblysyndaǵy Ysqaq bab kesenesi;

- Túrkistan oblysyndaǵy Aqbıkesh munarasy;

- Túrkistan oblysyndaǵy Shámmát ıshan meshiti;

- Túrkistan oblysyndaǵyMajratut myńjyldyq tut aǵashy;

- Túrkistan oblysyndaǵy Ysqaq bab kesenesi;

- Túrkistan oblysyndaǵy Keme qalǵan monýmenti;

- Túrkistan oblysyndaǵy Jylaǵan ata úńgiri;

- Túrkistan oblysyndaǵy Kelinshektaý taý jotasy;

- Túrkistan oblysyndaǵy Saryaǵash kýrorttyq aımaǵy;

- Túrkistan oblysyndaǵy Aqmeshit úńgiri;

- Túrkistan oblysyndaǵy «Syrdarııa-Túrkistan» memlekettik óńirlik tabıǵı parki;

- Túrkistan oblysyndaǵy Aqsý shatqaly;

- Túrkistan oblysyndaǵy Kelte Mashat shatqaly;

- Túrkistan oblysyndaǵy «Qarataý» memlekettik tabıǵı qoryǵy;

- Túrkistan oblysyndaǵy «Aqsý-Jabaǵyly» memlekettik tabıǵı qoryǵy;

- Ulytaý oblysynyń «Ulytaý» ulttyq tarıhı-mádenı jáne mýzeı qoryǵy;

- Ulytaý oblysyndaǵy «Joshy han» tarıhı-mádenı kesheni;

- Shymkent qalasyndaǵy «Shym qala» tarıhı mádenı-kesheni;

- Shymkent qalasyndaǵy Ibragım ata kesenesi;

- Shymkent qalasyndaǵy «Qarashash ana» kesenesi;

- Shymkent qalasyndaǵy «Miráli baba» kesenesi;

- Shymkent qalasyndaǵy «Hyzyr» munarasy;

- Shymkent qalasyndaǵy «Abdil Áziz bab» kesenesi.

Týrıstik baǵyttar tizimin keńeıtýdi kózdeıtin mınıstr buıryǵy 4 tamyzǵa deıin kópshilik talqylaýda bolady.