Qazaqstanda saýda jelilerine qandaı talaptar qoıylady

NUR-SULTAN. QazAqparat – Qazaqstanda saýda jelilerine qandaı talaptar qoıylady? Bul suraqqa eldegi rıteıl naryǵyna jasalǵan taldaý jóninde baıandama jasaǵan QR Básekelestikti qorǵaý jáne damytý agenttiginiń ónerkásiptik jáne agroónerkásiptik keshen departamentiniń dırektory Ásemgúl Nurmaǵambetov jaýap berdi, dep habarlaıdy QazAqparat tilshisi.

«Zańnamaǵa sáıkes, bólshek saýda jelilerine tehnıkalyq jáne baǵa talaptary qoıylady. Birinshiden, memleket áleýmettik mańyzdy azyq-túlik taýarlarynyń baǵasyn retteıdi. Ekinshiden, syıaqy mólsheri 5%-dan aspaýy kerek. Úshinshiden, saýdaǵa qosylatyn qun 15%-dan aspaýy tıis. Sonymen qatar, sórelerdi bólýge qoıylatyn talaptar bar - otandyq ónimdi ornalastyrý úshin kem degende 30% bolýy kerek», - dedi Ásemgúl Nurmaǵanbetova agenttiktiń onlaın-konferentsııasy barysynda.

Onyń aıtýynsha, respýblıkada bul qurylymda aýdany 2-den 10 myń sharshy metrge deıingi 263 saýda nysany tirkelgen.

«2016 jyly olardyń sany 268 edi. Sońǵy 4 jylda bólshek saýda oryndarynyń sany is júzinde ózgerissiz qaldy. Basqa eldermen salystyrǵanda, Qazaqstanda bólshek saýda naryǵynyń damý deńgeıi tómen. 263 iri saýda núkteleriniń ishinen 136 saýda núktesi azyq-túlik saýdasyna mamandandyrylǵan. Olardyń negizgileri Nur-Sultan men Almatyda shoǵyrlanǵan - sany 116», - dep atap ótti spıker.

Ásemgúl Nurmaǵambetova sonymen qatar Qazaqstanda otandyq rıteılermen qatar halyqaralyq rıteıler de jumys istep jatqanyn jetkizdi.

«Búgingi tańda aımaqtyq jelilerdi keńeıtip jatqan keıbir iri oıynshylarynyń básekelestigi baıqalady. Olar: Magnum, Small, Metro jáne Anvar sııaqty jeliler. Sonymen birge oıynshylardyń, onyń ishinde sheteldik rıteılerlerdiń jylystaýy baıqalady. Sonymen qatar, Green gıpermarket jelisi kontseptsııasyn dúken úıine aýystyrdy», - dep qorytyndylady Ásemgúl Nurmaǵanbetova.