Qazaqstanda sarqylǵan ken oryndary kóbeıgen - Energetıka mınıstrligi
«Osy qujatta qamtylǵan tolyqtyrýlardyń basty maqsaty – elimizdegi mıneraldy resýrstardyń bazasyn kóbeıtý. Bul turǵyda ınvestıtsııa tartýǵa ekpin qoıylyp otyr. Ekinshiden, jer qoınaýyn barlaý kezinde bolýy múmkin bıýrokratııalyq tosqaýyldardy joıýǵa nazar aýdaryldy. Barlyq saraptamalardyń merzimi 8-12 aıǵa deıin qysqartyldy. Buryn bul rásimder úsh jylǵa deıin sozylatyn. Jalpy, elimizdiń geologııalyq qordy kóbetýge múmkindik jasalady», - dedi D. Turǵanov Májiliste tilshiler suraǵyna jaýap bere otyryp.
Óz kezeginde Energetıka vıtse-mınıstri Ashat Hasenov elimizdegi sarqylǵan ken oryndary kóbeıgenin, qazir olar shamamen 80 paıyzǵa jetkenin aıtty.
«Olardyń kóbi 1960 jyldan beri ashylǵan ken oryndary. Táýelsizdik jyldarynda 1 mlrd 900 mln tonna munaı óndirildi. Sondyqtan sarqylǵan ken oryndarynyń jumysyn jandandyrý úshin jańadan yntalandyrý tetigin engizý qajet. Bul rette atalǵan zań jobasynda tıisti qadamdar eskerilgen. Qujat geologııalyq barlaý jumystaryna baǵyttalǵan. Mıneraldardyń resýrstyq bazasyn keńeıtý aıasynda jyl saıyn shamamen 200 mlrd teńge ınvestıtsııa baǵyttaýdy qarastyryp otyrmyz», - dedi vıtse-mınıstr.
Onyń sózine qaraǵanda, aldaǵy bes jylda elimizde munaı óndirý deńgeıi artady.
Sonymen qatar Ashat Hasenov bıyl Qazaqstanda munaı óndirý kólemi birshama azaıýy múmkin ekenin aıtty.
Budan buryn habarlanǵandaı, búgin Májilistiń jalpy otyrysynda «Jer qoınaýy jáne jer qoınaýyn paıdalaný týraly» Kodeksine jer qoınaýyn paıdalaný salasyn jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.