Qazaqstanda santehnık, elektrık, dánekerleýshilerdiń jalaqysy 50-100% ósedi
«Kommýnaldyq kásiporyndar qyzmetiniń tıimdiligin arttyrý maqsatynda «Tabıǵı monopolııalar týraly» Zańnyń 22-babyna ózgerister engizildi. Atap aıtqanda, birinshi – kommýnaldyq sala qyzmetkerleriniń, ıaǵnı santehnık, elektrık, dánekeýshilerdiń jalaqysyn 50%-ten 100%-ke deıin kóterý. Osylaısha, ortasha jalaqy sala men óńirge baılanysty 135 myń teńgeden 200-300 myń teńgege deıin ósedi. Bul turǵyn úı-kommýnaldyq sharýashylyq salasyndaǵy 200 myńǵa jýyq jumysshyǵa áser etedi», - dedi Á. Qýantyrov Úkimet otyrysynda.
Ekinshi ózgeris – ıesiz jelilerdi kezeń-kezeńimen berý. Osylaısha, 25 myń shaqyrymnan astam kommýnaldyq jeli senimgerlik basqarýǵa jáne kommýnaldyq menshikke berilýi tıis.
Qabyldanǵan túzetýler kommýnaldyq kásiporyndardyń ıesiz jelilerdi ustaýǵa jáne paıdalanýǵa jumsaǵan shyǵyndaryn óteýge múmkindik beredi. Bul óz kezeginde tutynýshylardyń qamtylýyn arttyrýǵa jáne kórsetiletin qyzmetterdiń turaqtylyǵyn qamtamasyz etýge múmkindik beredi.
«Joǵaryda atap ótilgendeı, júrgizilip jatqan tarıftik reforma tarıf qurýdyń búkil protsesiniń ashyqtyǵy, eseptiligi jáne jarııalylyǵy qaǵıdattaryna negizdeledi. Tutynýshylardyń qarajatyn maqsatty paıdalanýdy baqylaý jurtshylyq pen tehnıkalyq sarapshylardy tarta otyryp qamtamasyz etiledi. Tutynýshynyń quqyǵy buzylǵan jaǵdaıda, oǵan ýaqytsha ótemdik tarıfter engiziletin bolady. Al, tabıǵı monopolııalar sýbektileri ákimshilik jaýapqa tartylady. Osylaısha, kommýnaldyq tólemder negizsiz kóterilgen jaǵdaıda, qarajat tutynýshylarǵa keıingi shottardaǵy qaıta esepteý arqyly qaıtarylady», - dep túsindirdi spıker.
Buǵan deıin Álibek Qýantyrov «Tarıfti ınvestıtsııalarǵa aıyrbastaý» baǵdarlamasy qalaı júrgiziletinin túsindirgen edi.
Sondaı-aq, elektr, sý, jylý tarıfteri shamamen 3-4 myń teńgege ulǵaıady.