Qazaqstanda sandyq qoltańbasyz alynatyn memqyzmetter sany kóbeıedi

ASTANA. QazAqparat - Qazaqstanda elektrondy sandyq qoltańbasyz alynatyn memlekettik qyzmetter sany kóbeıedi. Bul týraly búgin Úkimettiń selektorlyq rejimdegi otyrysynda Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.

«Jeke uıymdar men úshinshi tulǵalar úshin elektrondy úkimettiń veb-portaly arqyly azamattan jeke málimetter alýǵa suranys tetigi engiziletin bolady. 1 shildeden bastap elektrondy úkimettiń veb-portalynan 20 memlekettik qyzmetti elektrondy sandyq qoltańbasyz alý múmkinshiligi jasalady. Biz bul jumystardy odan ary da jalǵastyramyz. Bul qyzmetterdiń sanyn turaqty túrde ulǵaıta beremiz», - dedi Dáýren Abaev.

Onyń aıtýynsha, memlekettik qyzmetterdi belsendi kórsetý ustanymyn aýqymdy túrde júzege asyrý 2018-2020 jyldary «Sandyq Qazaqstan» memlekettik baǵdarlamasy aıasynda júzege asyrý josparlanǵan. Qazirgi ýaqytta memlekettik qyzmet kórsetýdiń atalǵan nysanyn zańnamalyq turǵyda bekitý boıynsha usynys ázirlengen.

«Buǵan qosa, qazirgi ýaqytta E-úkimette kýálandyrýshy qujattyń merzimi ótkendigi, ákimshilik aıyppul salynǵany, balabaqsha kezegi nómiriniń ózgergendigi týraly habarlamalar jumys istep tur. Memlekettik korporatsııa memlekettik qyzmetterdiń belsendirek kórsetilýine saraptama jasady. Nátıjesinde quramyna shamamen 100 qyzmet kiretin 7 sanat anyqtaldy. ıAǵnı, bul qyzmetterdi memleket belsendirek kórsete alady», - dedi mınıstr.

Aıta keteıik, buǵan deıin Dáýren Abaev aǵymdaǵy jyldyń shilde aıynan bastap «E-Úkimet» veb-portalynan 20 qyzmetti elektrondy qoltańbasyz alýǵa bolatyndyǵyn málim etken bolatyn.