Qazaqstanda salynatyn AES qurylysyna birneshe el qatysady

ASTANA. QazAqparat – «Samuryq-Qazyna» UÁQ» AQ Basqarma tóraǵasy Almasadam Sátqalıev Qazaqstanda salynatyn atom elektr stansasyna qandaı tehnologııalar qarastyrylyp jatqanyn aıtty, dep habarlaıdy QazAqparat tilshisi.

«2030 jylǵa qaraı Qazaqstanda iri energııa kózin salý qajet ekenin túsinemiz. Qazirdiń ózinde Úkimet qurylys alańyn anyqtaýǵa jaqyn. Qurylys alańy resmı túrde anyqtalǵannan keıin qurylystyń «vendoryn» anyqtaý rásimi aıaqtalady. Sarapshylar toby Túrkııa, Vengrııa, Frantsııa, Ońtústik Koreıa, Qytaıda jumys istep turǵan jáne salynyp jatqan alańdarǵa baryp, jasaǵan úlken jumysyna súıenemiz», - dedi Almasadam Sátqalıev Aqordada BAQ ókilderiniń saýalyna oraı.

Onyń atap ótýinshe, qurylys barysynda birneshe el tájirıbelerin bólisetin bolady.

«Bizdiń osy alańdardy aralaý barysynda qurylysty halyqaralyq konsortsıým túrinde júzege asyrý kerek ekenin anyqtadyq. ıAǵnı, búkil stansany bir el ǵana salmaıdy. Biz eń jaqsy tehnologııany alamyz. Eger ıadrolyq aral týraly aıtatyn bolsaq, Reseı, Koreıa, Frantsııa eń tıimdi tehnologııany usyna alady. Eger energetıkalyq jabdyqtar týraly aıtatyn bolsaq, onda elektr energııasyn óndirýmen baılanysty «General electric» jáne koreı óndirýshileriniń eń jaqsy tehnologııalaryn kórip otyrmyz. Eger biz óte mańyzdy bóligin, ıaǵnı kómekshi jabdyqtar - avtomatıka, esepke alý júıeleri, sorǵy jabdyqtary týraly aıtar bolsaq, onda kóptegen óndirýshi bar. Olar negizinen Frantsııa, Germanııa syndy Eýropa elderinde shoǵarylanǵan», - dedi ol.

Aıta keteıik, qazirgi ýaqytta Aqordada Memleket basshysy Qasym-Jomart Toqaev pen Túrikmenstan Prezıdenti Serdar Berdymuhamedov kezdesý ótkizip jatyr.

Foto: criptoaldia.com