Qazaqstanda salyq tóleýshilerdi sanatqa bólý engiziledi
Salyq tóleýshilerde táýekelderdi baǵalaý júıesin (TBJ) qoldanýǵa qatysty, sondaı-aq TBJ júrgizý barysynda eskeriletin sanattar boıynsha suraqtar jıi týyndaıdy.
Baspasóz qyzmetiniń málimetinshe, Salyq kodeksiniń 137-babyna sáıkes salyq organdary salyq tóleýshiler (salyq agentteri) usynǵan salyqtyq eseptiliktiń derekterine, ýákiletti memlekettik organdardan, jergilikti atqarýshy organdardan, ýákiletti organdardan alǵan málimetterge, sondaı-aq salyq tóleýshiniń (salyq agentiniń) qyzmeti týraly basqa da qujattarǵa jáne (nemese) málimetterge taldaýdy júzege asyrady.
«Osyndaı taldaýdyń nátıjeleri negizinde 2019 jylǵy 1 qańtardan bastap barlyq salyq tóleýshilerdi (salyq agentterin) sanattaý olardyń qyzmetin táýekel dárejesiniń tómen, ortasha nemese joǵary sanatyna jatqyzý jáne salyqtyq ákimshilendirýdiń saralap qoldaný sharalaryn qoldaný jolymen júzege asyrylady», - delingen habarlamada.
Salyq kodeksi 137-babynyń 1-tarmaǵynda kórsetilgen ólshemsharttardan basqa táýekel dárejesiniń ólshemsharttary qupııa aqparat bolyp tabylady. Qupııa aqparat bolyp tabylmaıtyn ólshemsharttar boıynsha táýekelderdi basqarý júıesin qoldaný tártibi QR Qarjy mınıstriniń 2018 jylǵy 20 aqpandaǵy № 252 buıryǵymen bekitildi.
Osylaı, qaǵıdaǵa sáıkes, táýekelderdi basqarý júıesiniń nátıjeleri boıynsha salyq tóleýshiniń qandaı táýekel dárejesine jatqyzylǵandyǵy týraly aqparat jylyna eki ret anyqtalatyn bolady jáne 2019 jyldyń 1 qańtarynan bastap salyq tóleýshilerge «Salyq tóleýshiniń kabıneti» veb-qosymshasyna jiberiledi, al 2019 jyldyń 1 shildesinen bastap atalǵan aqparat Memlekettik kirister komıtetiniń saıtynda jarııalanatyn bolady.
Sonymen birge, táýekel dárejesimen qosa, táýekelderdi basqarý júıesinde qoldanylatyn qupııa aqparat bolyp tabylmaıtyn ólshemsharttardyń eseptelýi týraly málimetter salyq tóleýshilerge «Salyq tóleýshiniń kabıneti» veb-qosymshasyna jiberiledi.
Eger qajet bolsa, salyq tóleýshiler «Salyq tóleýshiniń kabıneti» veb-qosymshasy arqyly memlekettik kirister organdaryna kórsetilgen ólshemsharttar boıynsha jibere alady (kameraldyq baqylaý nátıjeleri boıynsha anyqtalǵan buzýshylyqtar týraly habarlamalar boıynsha túsiniktemeler alý jáne túsindirýdi pysyqtaýǵa uqsas).