Qazaqstanda Salyq kodeksine revızııa jasalady

NUR-SULTAN. QazAqparat – Úkimet kontrtsıkldyq makroekonomıkalyq saıasatty jalǵastyrýy tıis. Bul týraly QR Prezıdenti Qasym-Jomart Toqaev jetinshi shaqyrylymdaǵy QR Parlamentiniń birinshi sessııasynda aıtty, dep habarlaıdy QazAqparat tilshisi.

«Úkimet ekonomıkalyq belsendilikti qoldaýǵa baǵyttalǵan kontrtsıkldyq makroekonomıkalyq saıasatty jalǵastyrýy tıis», - dep atap ótti Qasym-Jomart Toqaev.

Memleket basshysy fıskaldyq saıasatty jetildirý aıasynda Salyq kodeksin ońaılatý, iskerlik belsendilik pen básekelestikti yntalandyrý turǵysynan revızııa júrgizý qajettigin aıtty.

«Shaǵyn jáne orta bıznesti qoldaýǵa nazar aýdarý kerek», - dedi Prezıdent.