Qazaqstanda resmı qujattardy saýatty ázirleýge úıretetin portal ashyldy

ASTANA. QazAqparat - Memlekettik tildi damytý qorynyń dırektory Azat Sháýeev «Rýhanı jańǵyrý» baǵdarlamasy aıasynda júzege asyrylǵan Resmihat.kz onlaın-portaly (https://resmihat.kz/) týraly aıtyp berdi, dep habarlaıdy QazAqparat tilshisi.

Resmihat.kz - is qaǵazdaryn, resmı qujattardy memlekettik tilde saýatty ázirleý jáne erkin jaza bilýge úıretetin, daǵdylandyratyn aqparattyq-anyqtamalyq portal», - dedi ol Ortalyq kommýnıkatsııalar  qyzmetindegi baspasóz máslıhatynda.

Belgili bolǵandaı, joba Qazaqstan Respýblıkasy Tuńǵysh Prezıdenti - Elbasy qory men «Samruk-kazyna trust» áleýmettik jobalardy damytý qorynyń qoldaýymen daıarlandy.

Azat Sháýeevtiń atap ótýinshe, portal  túrli qujattardyń daıyn úlgilerimen tanysýmen qatar, adamdardy qujatty toltyrý isinde bilimin jetildirýge kómektesedi.

Portal bazasy únemi jańa qujattarmen, ádistemelik usynystarmen tolyqtyrylyp otyrady. Sonymen qatar onda is qaǵazdaryn júrgizý jáne basqa da paıdaly materıalardyń erejeleri jańartylyp otyrady.

Saıtta «Іs-qaǵazdarynyń túrleri», «Іskerı hat almasý», «Normatıvtik baza», «Ǵylymı mátin», «Ádistemelik kómek», «Anyqtama bólimi» sekildi bólimder jasaqtalǵan.

Qazirgi kede Resmihat.kz jobasy tetistileý rejiminde aprobatsııadan ótip jatyr.