Qazaqstanda reseılik telearnanyń nelikten kórsetilmeıtini belgili boldy

<p>QR Mádenıet jáne aqparat mınıstrligi reseılik telearnalardyń el aýmaǵynda óshirilýine túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Qoldanystaǵy zańnamaǵa sáıkes telearnalar men teleradıo habarlaryn taratatyn jeke operatorlar arasyndaǵy azamattyq-quqyqtyq qatynastar óz arasynda jasalǵan sharttar negizinde retteledi. TVCOM operatory birqatar reseılik telearnanyń quqyq ıesi „PKVS Qazaqstan“ JShS-men (Pervyı kanal. Vsemırnyı set) ári qaraıǵy yntymaqtastyqqa qatysty birneshe kelissóz qorytyndysy boıynsha shartty 2024 jylǵa uzartpaý jóninde sheshim qabyldaǵanyn habarlaımyz», — dep jazylǵan mınıstrlik jaýabynda.

Sebepter qatarynda arnalardy retranslıatsıaılaý qunynyń jyl saıynǵy qymbattaýy (2018 jyldan 2023 jylǵa deıin quqyqtar quny 75%-ǵa ósti), sondaı-aq quqyq ıelenýshiniń telearnalardyń búkil paketin satyp alý talaby kórsetilgen.

Qazirgi ýaqytta kelissóz aıaqtalǵan joq jáne jalǵasady.

«Sondaı-aq, reseılik telearnalar „Teleradıo habarlaryn taratý týraly“ zańǵa sáıkes, QR búkil aýmaǵynda kóparnaly habar taratý arqyly taratylýy mindetti teleradıoarnalardyń tizbesinde joq ekenin habarlaımyz. Osylaısha teleradıo habarlaryn taratý operatorlaryna osy telearnalardy taratý jónindegi mindetteme qoldanylmaıdy», — deıdi Mádenıet jáne aqparat mınıstrligi.

Aıta keteıik, osyǵan deıin Otaý TV operatorynyń baǵdarlamalar paketinen reseılik Birinshi arnany alyp tastaıtyny habarlanǵan bolatyn.