Qazaqstanda PTR testiden ótý jıiligi táýligine 40 myńǵa jetkizilmek

NUR-SULTAN. QazAqparat – Qazaqstanda aldaǵy ýaqytta halyqtyń PTR testiden ótý jıiligi táýligine 40 myńǵa jetkiziledi. Bul týraly Prezıdent Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeýinde málim etti, dep habarlaıdy QazAqparat tilshisi.

«Testke qoljetimdilikti arttyrý úshin qazirgi zerthanalar qosymsha jaraqtandyrylýda. Qosymşa 20 PTR analızator satylyp alynady. PTR test úshin 8 mobıldi ortalyq qurylady. Bul ortalyqtar aýyldarda da salynady», - dedi Memleket basshysy.

Qasym-Jomart Toqaevtyń aıtýynsha bul jumystar Qazaqstanda aldaǵy ýaqytta halyqtyń PTR testiden ótý jıiligi táýligine 40 myńǵa jetkizýge múmkindik beredi.