Qazaqstanda psıhologııalyq aýytqýy bar 200 myń adam tirkelgen

<p>ASTANA. KAZINFORM &ndash; Densaýlyq saqtaý mınıstrligi <a href="https://kaz.inform.kz/" target="_blank" rel="noopener">Kazinform</a> saýalyna joldaǵan jaýabynda psıhologııalyq aýytqýy bar qazaqstandyqtar týraly statıstıka derekterin málim etti.</p>

«1 sáýirdegi jaǵdaı boıynsha Qazaqstanda psıhologııalyq aýytqýy bar, biraq psıhıkalyq belsendi zat tutynbaıtyn 199 672 adam tirkeýde tur. Bul sanattaǵy azamattardyń kóbi Qaraǵandy (1616,2 adam), Qostanaı (1523,5 adam) jáne Soltústik Qazaqstan (1414,2 adam) oblystarynda tirkelgen» dep jazylǵan resmı jaýapta.

Vedomstvo málimetinde psıhıkalyq aýytqýy bar adamdardy emdeý merzimi naýqastyń jaı-kúıine baılanysty ekeni aıtylǵan. 

«Mundaı adamdarǵa medıtsınalyq kómek kórsetý tártibi Halyqtyń densaýlyǵy jáne densaýlyq saqtaý júıesi týraly» Kodekstiń 167-babymen jáne medıtsınalyq kómek uıymdastyrý standarttarymen, medıtsınalyq kómek kórsetý erejelerimen, klınıkalyq qaýlylarmen retteledi» delingen mınıstrlik jaýabynda.