Qazaqstanda Problemalyq nesıeler qorynyń múlkin satý jumysy kúsheıtiledi
Búgingi Úkimet otyrysynda Ulttyq bank tóraǵasy Erbolat Dosaev ekonomıkalyq aınalymǵa jumys istemeıtin aktıvterdi tartý úshin Problemalyq nesıeler qorynyń múlkin satý boıynsha jumys júrgiziletinin aıtqan edi. Dosaevtyń sózine sáıkes bul jumys istemeıtin aktıvterdiń tıimdi naryǵyn qurýǵa múmkindik beredi.
Óz kezeginde bul máselege baılanysty Erulan Jamaýbaev aktıvterdi ekonomıkalyq aınalymǵa odan ári tartý maqsatynda Problemalyq nesıeler qory olardy basqarý jáne iske asyrý boıynsha is-sharalardy júzege asyratynyn jetkizdi.
«Qazir turǵyn úı qoryn, kommertsııalyq jyljymaıtyn múlikti jáne jyljymaly múlikti satý boıynsha sharalar qabyldanýda. Ekonomıkalyq aınalymǵa 679 ga jer ýchaskesi engizilip otyr. Jalpy jumys jandandyrylatyn bolady», - dedi ol.