15:45, 01 Tamyz 2024

Qazaqstanda Prezıdenttiń kadrlyq rezervine irikteý erejesi ózgertildi

ASTANA. KAZINFORM – Memleket basshysy Qasym-Jomart Toqaev QR Qarýly Kúshterdiń, Ulttyq ulannyń, quqyq qorǵaý jáne arnaýly memlekettik organdardyń, sondaı-aq azamattyq qorǵaý organdarynyń Joǵarǵy qolbasshylyǵy men basshylyǵynyń Prezıdenttik rezervine kandıdattardy irikteý qaǵıdalaryna ózgerister engizý týraly Jarlyqqa qol qoıdy.

Foto: gov.kz

Engizilgen túzetýlerge sáıkes, endi Prezıdenttik rezervke úmitkerlerdi irikteý áskerı qyzmetshilerdiń jeke jáne iskerlik qasıetterin baǵalaý, olardyń qyzmettik qyzmetiniń nátıjeleri jáne attestattaý sheshimi negizinde ǵana júzege asyrylmaıdy. Memlekettik qyzmet isteri jónindegi ýákiletti organ belgilegen ólshemder boıynsha kadrlyq aqparattyq júıe arqyly jınalǵan upaılar da esepke alynbaq.

Al arnaýly memlekettik organdarynda Prezıdenttik rezervke kandıdattar jeke jáne iskerlik qasıetterine, jumys nátıjelerine jáne attestattaý komıssııasynyń sheshimine qaraı irikteledi.

Jarlyq 2024 jyldyń 31 shildesinde kúshine endi.

Jarlyq Mamandyq Prezıdenttik kadr rezervi Qazaqstan Prezıdenti
Oralhan Qojanov
2013 jyly Almaty qalasyndaǵy Abaı atyndaǵy QazUPÝ-di jýrnalıstıka mamandyǵy boıynsha támamdaǵan. Ár jyldary «Baıantaý», «Aýyl tynysy», «Otarqa», «Saryarqa samaly», «Qazaq úni», «Egemen Qazaqstan» gazetterinde, «Ulys medıa» portalynda qyzmet atqardy.