Qazaqstanda Prezıdenti janynan jańa agenttik qurylady

NUR-SULTAN. QazAqparat – Memleket basshysy Qasym-Jomart Toqaev qysqa merzimde QR Prezıdenti janyndaǵy Ekonomıkalyq qylmystarmen kúres agenttigin qurýdy tapsyrdy, dep habarlaıdy QazAqparat tilshisi.

«Ótken jyly «kóleńkeli» ekonomıka salasynda uıymdasqan qylmystyq toptarǵa qatysty isterdiń rekordty sany qozǵaldy. 73 qylmystyq toptyń áreketine tosqaýyl qoıylyp, qarjyny qolma qol aqshaǵa aınaldyrý kólemi azaıdy. Bul qadamdar osy jumystyń tek basy ǵana», - dedi Q. Toqaev Úkimettiń keńeıtilgen otyrysynda.

«Ońtaıly qarqyndy saqtaý úshin atalǵan bólimsheniń mártebesin kóterip, barynsha qysqa merzimde QR Prezıdenti janyndaǵy Ekonomıkalyq qylmystarmen kúres agenttigin qurý kerek. Bul óz kezeginde sheshimderdiń derbestigin arttyryp, múddeler qaqtyǵysyn joıady», - dedi Prezıdent.

Budan buryn habarlanǵandaı, Q. Toqaev shekaradaǵy zańsyz taýar aınalymyna qarsy is-qımyldyń baǵdarlamasyn daıarlaýdy tapsyrdy.