Qazaqstanda pravoslav dininiń ókilderi Pasha merekesin atap ótýde
Metropolıt Aleksandr Almatydaǵy Voznesensk shirkeýinde, al metropolıttik okrýg isterin basqarýshy epıskop qaskeleńdik Gennadıı Astanadaǵy Ýspen shirkeýinde dinı joralǵylardy jasaýda. 8 sáýir kúni keshkisin saǵat 17-00-de Almatydaǵy Voznesensk shirkeýinde Ierýsalmdegi Qudaı tabyty hramynan qasıetti jalyndy jetkizý rásimi ótedi.
Qazaqstandyq metropolıttik okrýginiń basshysy merekeni talapqa saı atap ótý arqyly qalyń kópshilik rýhanı turǵyda bir saty joǵarylaı túsetinin aıtty.
«Osy merekeni qadir tutyp, qasterleıtin bizdiń ár adam ózgelerden kómek kútip júrgen adamdarǵa qoldaý kórsetkeni abzal. Biz ómirdiń qyzyǵyn kóre almaǵan, qaıǵyryp júrgen, jalǵyzdyqtyń zardabyn tartyp, densaýlyǵynyń bolmaýynan japa shegip júrgen adamdarmen bir ortada ómir súre otyryp, alńsyz toı toılap júre almaımyz. Pasha merekesiniń jarqyn kúnderinde biz búkil álemde beıbitshiliktiń ornyǵýyn jáne Qazaqstanymyzdyń nurlanýyn tileımiz. Mundaǵy halyqtar bir-birine týǵan baýyryndaı qarap ómir súrse deımiz»,-dedi metropolıt.
Quttyqtaý sóziniń sońynda mıtropolıt Aleksandr barlyq qazaqstandyqtarǵa eńbekterine jemis, baqyt pen densaýlyq ashyq aspan tiledi.
Aıta keteıik, merekelik sharalar 7 sáýir kúngi saǵat 23-00-den bastap, Qazaqstannyń barlyq pravoslav hramdarynda ótedi.