Qazaqstanda poıyzdar nege jıi keshigedi – jaýapty mekeme túsindirdi

BÝRABAI. QazAqparat – Sońǵy ýaqytta otandyq poıyzdardyń keshigip kelý faktileri jıilep ketti. Atalǵan jaıtqa qatysty «Jolaýshylar tasymaly» AQ basshylyǵy túsinik berdi, dep habarlaıdy QazAqparat tilshisi.

«Poıyzdardyń ýaqytyly kelmeýiniń birneshe sebebi bar. Aldymen qolaısyz aýa raıynyń kesirinen. Ekinshiden, eldimekenderdi qıyp ótetin temirjol ýchaskelerine baılanysty. Keıde temirjol ýaqytsha jabylady. Kelesi sebep - temirjoldy jóndeý jumysy. Qaýipsizdikti qamtamasyz etý maqsatynda josparly jóndeý júrgiziledi», - dedi «Jolaýshylar tasymaly» AQ bas dırektory Jánibek Taıjanov BAQ ókilderine arnalǵan baspasóz týry barysynda.

Onyń aıtýynsha, poıyzdardyń keshigýine jol bermes úshin jumys júrip jatyr. Másele baqylaýda.

Aıta keteıik, búgin tańerteń «Astana – Býrabaı» týrıstik elektr poıyzy jolǵa shyqty.

Jańa jyl merekesi qarsańynda elordadan Býrabaıǵa deıingi arnaıy týrıstik elektr poıyzy kún saıyn júredi.