Qazaqstanda poıyz bıletiniń ortasha baǵasy qansha

<p>Bıyl Almaty-Qonaev jáne Qaraǵandy-Jezqazǵan arasynda eki oblysaralyq temir jol baǵyty ashylady. Bul týraly QR Kólik mınıstri Marat Qarabaev aıtyp berdi, dep habarlaıdy <a href="Kazinform" target="_blank" rel="noopener">Kazinform </a>tilshisi.</p>

«Jolaýshylardy tasymaldaý boıynsha qazir 66 oblysaralyq marshrýt jumys istep jatyr. Bul baǵyttarda 13 tasymaldaýshy qyzmet kórsetedi. Oblystardyń bólinýine baılanysty, bıyl qala mańyndaǵy baǵdardan 2 jańa oblysaralyq baǵyt quryldy (Almaty – Qonaev jáne Qaraǵandy – Jezqazǵan)», - dedi M. Qarabaev búgingi Úkimet otyrysynda.

Jalpy jolaýshylardy tasymaldaý respýblıkalyq bıýdjetten sýbsıdııalanady. Bul sharalar halyqtyń barlyq toptary úshin jol júrý qujattarynyń qoljetimdi baǵasyn qamtamasyz etýge baǵyttalǵan.

«Qazirgi tańda, poezd bıleti baǵasynyń ortasha quny 8 myń teńgeni quraıdy. Jolaýshylar vagonynyń parkinde 2567 vagon bar. Tasymaldaýǵa suranys joǵary kezde 300 vagon tapshylyǵy baıqalady. Bıyl jolaýshylar tasymaly úshin 162 jańa vagon alynady. Negizgi óndirýshi – Petropavl qalasynda ornalasqan otandyq vagon shyǵarý zaýyty», - deıdi Kólik mınıstri.

Buǵan deıin Kólik mınıstri lokomotıv pen júk kólikterin satyp alý jumystary týraly aıtyp bergen edi.