Qazaqstanda porttardy qorǵaýdy baǵalaý úshin ýákiletti organ belgilendi
Mınıstrlikke qarasty Kólik komıteti tóraǵasynyń buıryǵymen porttyq quraldaryn qorǵaýdy baǵalaý boıynsha jumystardy atqaratyn jáne porttyq quraldaryn qorǵaý boıynsha jospardy jasaıtyn ýákiletti mekeme bolyp «Aqtaý halyqaralyq teńiz saýda porty» UQ AQ (Aqtaý HTSP) belgilendi.
«Búgingi kúni Qazaqstanda 3 teńiz porty jumys jasaıdy - Aqtaý, Baýtıno jáne Quryq. Osy strategııalyq obektiler ınfraqurylymdaryn qorǵaý maqsatynda komıtet 2017 jyly kemelerdi jáne porttyq quraldardy qorǵaý jónindegi Halyqaralyq teńiz mekemesiniń talaptaryn ımplementatsııalaý boıynsha jumystardy iske asyrdy», - delingen habarlamada.
Osyǵan sáıkes halyqaralyq reısterdi jasaıtyn aýyr júk (500-den astam regıstrlik tonna) jáne jolaýshylar kemelerine qyzmet kórsetetin porttyq quraldaryn qorǵaýdy baǵalaýda negizdelgen jospar bolýy tıis. Osy jumysty jasaý ýákiletti mekemege júkteledi.
Aıta keterligi, porttyq quraldar qataryna kemelerge qyzmet kórsetetin jáne halyqaralyq reısterdi jasaıtyn teńiz termınaldary, sonymen qatar teńiz portynyń akvatorııasy, sonyń ishinde turaqtar, kútý oryndary, teńiz portyna kirister jatady.