Qazaqstanda polıtsııadaǵy orta býyn basshylary jappaı tekseriledi

<p>ASTANA. KAZINFORM &ndash; QR Іshki ister mınıstriniń orynbasary Igor Lepeha qyz zorlady degen kúdikpen qamaýǵa alynǵan Taldyqorǵan polıtsııa basqarmasynyń bastyǵyna qatysty qozǵalǵan is boıynsha pikir bildirdi.</p>

Búgin Senatta tilshiler mınıstrdiń orynbasarynan osy isti tergeý barysy jaıynda surady.

«Іstiń qaı satyda ekenin aıta almaımyn. Tergeý júrip jatyr, materıal sotqa jiberilgen kezde jarııalanady», - dedi I. Lepeha.

Sonymen qatar ol osy oqıǵadan keıin mınıstrlik qurylymynda qandaı shara qabyldanǵanyn aıtty.

«Osy máseleni vedomstvonyń alqa májilisinde qarap, jeke qurammen jáne polıtsııa departamentteri ókilderimen kezdestik. Jeke quram arasynda tártipti kúsheıtý sharalary únemi qoldanylyp keledi. Sonyń biri – attestatsııa. Jeke qurammen jumys isteýge birinshi kezekte jaýapty orta býyn basshylaryn tekserip, attestatsııadan ótkizip, talapqa saı kelmeıtinderin shyǵaramyz. Eger polıtseıler zańsyz áreketterge baryp jatsa, onda ózindik qaýipsizdik qyzmeti men kadrlyq bólimsheler qyzmetkerleri osy adamdardy erterek anyqtamaǵyn úshin jaýap beredi», - dedi mınıstrdiń orynbasary.

Byltyr kúzde oblys ortalyǵynyń bas polıtseıi qyzmetin atqarǵan Marat Kúshtibaevtyń qyzmetin asyra paıdalanyp, jumys kabınetinde zorlyq jasaǵany jóninde buǵan deıin jazǵanbyz. Osy oqıǵaǵa boıynsha jábirlengen adamnyń advokaty Nurlan Molbaev zorlyqtyń qalaı jasalǵanyn aıtyp berdi.

Taldyqorǵanda qyz zorlady degen kúdikpen ustalǵan polıtseı qalalyq mamandandyrylǵan sottyń sanktsııasymen eki aı merzimge qamaldy.