Qazaqstanda polıtseıler donorlyq estafetasyn bastady

NUR-SULTAN. QazAqparat – QR Іshki ister mınıstrligi Esirtki qylmysyna qarsy is-qımyl departamenti donorlyq estafetasyn bastady. Bul týraly Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Polıtseıler elordalyq Transfýzıologııa ǵylymı-óndiristik ortalyǵynda qan tapsyrdy. Departament basshysy Erlan Omarbekov bul is-shara kóptegen naýqastar, onyń ishinde jańa týǵan balalar úshin ómirlik mańyzy bar ekenin, erikti qan donorlyǵynyń keń taralýyna óz úlesin qosýǵa arnalǵanyn atap ótti. Kezdesýde qan ortalyǵynyń basqarma tóraǵasy Sanııa Abdrahmanova polıtsııa qyzmetkerlerine donorlyqtyń mańyzdylyǵy, qandy medıtsınada qoldaný, onyń sapasyn baqylaý kezeńderi týraly aıtyp berdi», - dedi Shuǵyla Turlybek Іshki ister mınıstrligi uıymdastyrǵan aptalyq brıfıngide.

Donorlyq estafetasy Іshki ister mınıstrliginen Nur-Sultan qalasy Polıtsııa departamentiniń esirtki qylmysyna qarsy is-qımyl jónindegi qyzmetkerlerine berildi. Odan ári oǵan elimizdiń barlyq óńirleriniń polıtseıleri qatysatyn bolady.