Qazaqstanda Pfizer vaktsınasymen qansha adam egildi

NUR-SULTAN. QazAqparat – QR Sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova Pfizer vaktsınasynyń qoldanylý qarqyny týraly aıtyp berdi, dep habarlaıdy QazAqparat tilshisi.

Áýeli ol atalmysh vaktsınanyń qansha qory bar ekenin, saqtaýly turǵan ekpeniń qaı ýaqytqa deıin jaramdy ekenin málim etti.

«Jalpy Pfizer vaktsınasynyń 4 mln dozasyn ákelýimiz kerek. Búginde 3 mln 400 myń ákelindi. ıAǵnı, 600 myń dozasyn aldaǵy ýaqytta kútip otyrmyz.

Pfizer vaktsınasynyń 452 myń dozasy birinshi komponent retinde paıdalanyldy jáne shamamen 240 myńdaıy ekinshi komponent retinde egildi.

Esterińizde bolsa, Pfizer bizde júkti áıelderdiń revaktsınatsııasy úshin de qoldanylady. Endi 60-tan asqandarǵa da ekpeniń osy túrin revaktsınatsııaǵa jiberdik. Bul maqsattarǵa ázirge Pfizer vaktsınasynyń 6 myńnan sál asatyn dozasy paıdalanyldy. Bul vaktsınalardyń jaramdylyq merzimine kelsek, qyrkúıek aıy bitkenshe jaramdy», - dedi komıtet basshysy Ortalyq kommýnıkatsııalar qyzmetinde ótken brıfıngide.

Aıtýynsha, kún ótken saıyn eldiń Pfizer vaktsınasyna degen senimi artyp keledi.

«Biz Pfizer vaktsınasyn ege bastaǵan kezde táýlik saıyn 500-300 adam ǵana ekpe qabyldaǵany esterińizde shyǵar. ıAǵnı, kez kelgen vaktsına sııaqty, basynda bári áliptiń artyn baqty. Keıin qaýipsiz ekenine kózderi jetken soń vaktsınatsııa qarqyny arta bastady. Búginde táýlik saıyn Pfizer vaktsınasyn 15-16 myń adam qabyldaıdy. Onyń ishinde balalar da, júkti áıelder de, bala emizetinder de bar. Búginde Pfizer vaktsınasynyń 1 mln dozasyn táýekel tobyndaǵy adamdarǵa baǵyttaǵaly otyrmyz», - dedi Aıdan Esmaǵambetova.