Qazaqstanda «Pfizer» vaktsınasymen 146 myńǵa jýyq bala egildi

NUR-SULTAN. QazAqparat –12 jeltoqsandaǵy málimet boıynsha, elimizde «Pfizer» vaktsınasymen 182 myńnan astam adam egildi. Bul týraly QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııa aqparatynda aıtylǵan, dep habarlaıdy QazAqparat silteme jasap.

Eske salsaq, Amerıkanyń «Pfizer» vaktsınasymen qazir jasóspirimder, júkti áıelder jáne bala emizetin analar egilip jatyr.

12 jeltoqsanǵa deıin preparattyń I dozasyn 182 679 adam, ІІ dozasyn 15 243 adam saldyrdy.

Onyń ishinde:

І komponentimen

- jasóspirimder – 145 975,

- júkti áıelder – 10 716,

- bala emizetin áıelder – 25 988.

ІІ komponentimen

- jasóspirimder – 11 202,

- júkti áıelder – 1 162,

- bala emizetin áıelder – 2 879.

Qazaqstanda jasóspirimderdi, júkti áıelder men bala emizetin analardy «Pfizer» vaktsınasymen egý bıylǵy 15 qarashada bastaldy.