Qazaqstanda Pfizer-diń qansha dozasy bar

NUR-SULTAN. QazAqparat – QR Densaýlyq saqtaý mınıstri Alekseı Tsoı elimizde Pfizer vaktsınasynyń qansha dozasy bar ekenin aıtty, dep habarlaıdy QazAqparat tilshisi.

«Qazaqstanǵa 379 myń doza mólsherinde Somirnaty (Pfizer) vaktsınasynyń birinshi partııasy kelip tústi. Ekinshi partııany jetkizý 20 qarashaǵa deıin josparlanǵan. Vaktsınatsııa respýblıkanyń 7 óńirinde bastaldy. Olar Jambyl, Qaraǵandy, Qyzylorda, Túrkistan, Almaty, Nur-sultan, Shymkent qalalary.

Búgingi kúni 13 bala men 247 júkti jáne bala emizetin áıel ekpe aldy», - dedi mınıstr Úkimet otyrysynda.

Sondaı-aq, vedomstvo basshysy Pfizer vaktsınasyn alǵysy keletin halyqtyń suranysyn qanaǵattandyrý úshin aqyly naryqqa jetkizýdi usyndy.

«QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń tapsyrmasy boıynsha QR Úkimetine COVID-19-ge qarsy Comirnaty (Pfizer) vaktsınasyn halyq qalaýy boıynsha kommertsııalyq naryq segmentine shyǵarý usynyldy. Qoldaýlaryńyzdy suraımyn», - dedi Alekseı Tsoı.