Qazaqstanda petıtsııaǵa qol jınaý mejesi 50 myńnan ári kóterile me

<p>ASTANA. KAZINFORM — Ótinishti Úkimet qaraýy úshin petıtsııada 50 myń qol jınaý shegi kóterile me? Bul suraqqa Mádenıet jáne aqparat mınıstri Aıda Balaeva jaýap berdi.</p>

«Mundaı suraqtar qoǵamda qazirdiń ózinde kóterilip jatyr. Bir-birimen kelispeıtin taraptar qazirdiń ózinde daýys berý mejesin jáne ótinishti qaraıtyn memlekettik organdardyń sanyn ulǵaıtý kerek degen ýáj aıtyp otyr. Árıne, bul usynystardy qaraýǵa májbúr bolamyz. Biz qandaı da bir máseleniń shıleniske ákelýine jol bermeýimiz kerek. Sondyqtan azamattardyń pikirin tyńdaý mańyzdy», — dedi A. Balaeva Senattyń jalpy otyrysynan keıin tilshiler suraǵyna jaýap bere otyryp.

Mınıstr keıingi aptalarda petıtsııany qaraý úshin daýys jınaý shegin ulǵaıtý máselesi kóterilip jatqanyn aıtty.

Eske salsaq, Qazaqstanda onlaın petıtsııa saıty iske qosyldy.

Máselen, jaqynda ýtıl alymyna qarsy petıtsııa 50 myń qol jınady, endi ony Úkimet qaraıdy.