Qazaqstanda pedofılderge hımııalyq kastratsııa taǵaıyndaıtyn saraptama engiziledi
«Elimizde sot-saraptamasynyń «Sot-seksologııalyq saraptama» degen jańa túri engiziletin bolady. Halyqaralyq tájirıbeni eskersek, sońǵy kezderi seksýaldyq sıpattaǵy qylmystar sanynyń artýy baıqalady. Osyǵan oraı Ádilet mınıstrligi zertteýdiń jańa túri «Sot-seksologııalyq saraptamany» engizý jumystaryn bastady. Bul kúdikke ilingen azamatqa quqyq qorǵaý organdarynyń ótinishi boıynsha júrgiziledi. Saraptama kezinde ol azamattyń psıhologııalyq portreti qalyptastyrylady – oǵan túrli suraqtar qoıylady, qandaı da bir psıhologııalyq aýytqýshylǵy bar-joǵy, pedofılııaǵa beıimdigi aıqyndalady. Ondaı belgiler anyqtalǵan jaǵdaıda sottyń sheshimimen oǵan hımııalyq kastratsııa jasaý kerek pe degen kórsetkishti de anyqtaıdy», - dedi ol vedomstvonyń kezekti baspasóz máslıhatynda.
Aıtýynsha, atalǵan saraptama túri naqty qashan engiziletini áli belgisiz.
«Sol úshin bizdegi Sot-saraptamalyq ortalyqtyń Astana qalasy boıynsha fılıalynyń 3 qyzmetkeri Belarýsta kýrstan ótip keldi. Qazir osy saraptamanyń tolyqqandy ádistemesin ázirlep jatyrmyz. ıAǵnı, bul saraptama bizdiń kórshi elderde bar. Buǵan deıin ondaı qyzmet bizde joq bolatyn. Naqty qashan engiziletini ázirge belgisiz. Ádisteme tolyq jazylyp bitkennen keıin qosymsha habarlaımyz. Jalpy jyl aıaǵyna deıin engizý josparda bar», - dedi Talǵat Ýálı.