Qazaqstanda páterin zańsyz jalǵa beretinder qalaı anyqtalady
«Kóbinese páterlerdi tapsyrǵan kezde kórshilerden kelip túsetin shaǵymdar negizinde zańsyz jalǵa beretinder anyqtalady. ıAǵnı, aryz túsken úıdi tekserip, páterdiń zańdy nemese zańsyz berilip jatqanyn bilemiz. Odan keıin BAQ nemese jarnama arqyly anyqtaý joly bar», - deıdi Astanada ótken baspasóz máslıhatynda QR Qarjy mınıstrligi Memlekettik kirister komıtetiniń Kameraldyq monıtorıng basqarmasy basshysynyń orynbasarynyń mindetin atqarýshy Erbol Ámirhanov.
Belgili bolǵandaı, jyl basynan beri 700-ge tarta adam páterin salyq esebinsiz jalǵa bergeni úshin ákimshilik jaýapqa tartylǵan. Sondaı-aq atalǵan aralyqta Almaty qalasynda zańdy túrde berilip jatqan 1127, al Astana qalasynda 1249 páter anyqtalyp otyr.
«Oılap qarasańyz, salyqtyń mólsheri bizde 10 paıyzdan 1 paıyzǵa deıin tómendep otyr. ıAǵnı, jyljymaıtyn múlki bar, máselen páteri bar adamǵa memlekettik qadaǵalaýdan tyǵylyp jumys isteýdiń eshqandaı paıdasy joq. Mysaly, 100 myń teńgege páterdi jalǵa bergen adam 1 paıyzyn, ıaǵnı myń teńgesin ǵana salyq retinde tóleıdi», - deıdi Erbol Ámirhanov.
Anyqtalǵanyndaı, páterlerin jalǵa zańdy túrde berip jatqandardyń salyǵy boıynsha ótken jyly bıýdjetke 207 mıllıon teńge túsken. Al osy jyldyń 6 aıynyń ishinde osyndaı salyqtan 110 mıllıon teńge memleket qazynasyna kelgen. Boljam boıynsha jyl sońyna deıin jalǵa berilgen jyljymaıtyn múlikterdiń salyqtarynan 230 mıllıon teńge túsetin bolady.
Eske sala ketsek, buǵan deıin QR Qarjy mınıstrligi Memlekettik kirister komıtetiniń ókilderi Qazaqstanda jalǵa beriletin páterlerdiń 40-50 paıyzynan salyq túsimi túspeı, ol páterler «kóleńkede» qalatynyn málim etken edi.