Qazaqstanda páterdi onlaında ıpotekaǵa rásimdeýge múmkindik beriledi

NUR-SULTAN. QazAqparat - Ádilet mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen jáne «Azamattarǵa arnalǵan úkimet» memlekettik korporatsııasymen birlesip azamattarǵa úıden shyqpaı qurylys salýshydan onlaın formatta páter satyp alýǵa múmkindik beretin «Tsıfrlyq ıpoteka» pılottyq jobany iske qosady, dep habarlaıdy QazAqparat.

Vedomstvonyń málimdeýinshe, bul protsess qurylys salýshynyń platformasyn jáne ekinshi deńgeıdegi bankterdiń aqparattyq júıesin ıntegratsııalaý arqyly, qurylys salýshynyń saıtynda turǵyn úıdi tańdaýdy, ıpoteka alýdy avtomatty tekserýin qamtıdy.

«Ipotekany maquldaǵannan keıin, kepil sharty jáne satyp alý-satý shartyn resimdeý avtomatty túrde júrgiziledi, mámile taraptarymen qol qoıylady jáne «Jyljymaıtyn múlik tirkelimi» memlekettik derekter qoryna tirkeýge onlaın formatta jiberiledi», delingen habarlamada.

Tirkeý júrgizilgeni týraly habarlama qurylys salýshynyń saıtyndaǵy ótinish berýshiniń jeke kabınetine jiberiledi.