Qazaqstanda pandemııa kezeńinde áleýmettik-eńbek daýlary kóbeıip ketti

NUR-SULTAN. QazAqparat – Qazaqstanda pandemııa kezeńinde áleýmettik-eńbek daýlarynyń sany kóbeıip ketti. Bul týraly Nur-Sultan qalalyq kásipodaq ortalyǵynyń tóraǵasy Tólegen Qunadilov aıtty, dep habarlaıdy QazAqparat tilshisi.

Onyń dereginshe, osy jyldyń birinshi jartyjyldyǵynda elordada 12 áleýmettik-eńbek daýy boldy. Pandemııamen jáne qolaısyz ekonomıkalyq ahýalmen baılanysty jaıttar turaqsyz áleýmettik-eńbek jaǵdaıynyń qalyptasýyna aıtarlyqtaı yqpal etti. Jalaqy tólemeý problemasy, eńbek jaǵdaıyn buzý jıilip ketti.

Sonyń saldarynan eńbek daýlarynyń sany aıtarlyqtaı artty. Negizinen kásipodaqtary joq kásiporyndar men uıymdarda eńbek jaljaldarynyń jıi oryn alǵandyǵyn erekshe atap ótkim keledi. Daýlardyń basym bóligi jalaqy deńgeıine qatysty kózqaras qarama-qaıshylyǵynan emes, bul máselede ákimshiliktiń kelissóz júrgizýden bas tartýynan týyndaǵan. Kóp jaǵdaılarda jumys berýshi janjaldyń aldyn alýǵa nıetti emes. Tipti kóp jaǵdaıda olar ahýaldyń ýshyǵatyndyǵyn bile tura sondaı qadamǵa barady», - dedi Tólegen Qunadilov.

Usynylǵan aqparatqa sáıkes, elordanyń Kásipodaq ortalyǵy jyl basynan beri jalaqyny kóterýge, eńbek jaǵdaıyn jaqsartýǵa qatysty 23 ótinimdi qarastyrdy. 63 jumysshyǵa quqyqtyq kómek kórsetildi. Buǵan qosa, 57 jumysshy jumys ornyn saqtap qaldy.