Bıyl Qazaqstanda otshashýǵa suranys artqan

<p>Memlekettik kirister komıteti elimizge turmystyq pırotehnıkalyq zattardyń ımporty týraly qyzyqty statıstıkany bólisti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Bıylǵy qańtar-qarasha aralyǵynda elimizge quny 663,9 myń AQSh dollaryn quraıtyn jalpy salmaǵy 231,1 tonna otshashý ımporttalǵan. Onyń arasynda petarda, fontan, otshashý batareıalary, bengal ottary, túrli-tústi tútinder, jerústi otshashýlary jáne basqa da turmystyq pırotehnıkalyq zattar bar» dep jazylǵan komıtettiń resmı habarlamasynda.

Otshashýdyń negizgi ımporttaýshysy – Qytaı bolsa, Germanııadan, Ulybrıtanııadan jáne AQSh-tan 17,6 myń AQSh dollaryna 0,1 tonna otshashý jetkizilgen.

2022 jylmen salystyrǵanda bıyl elge quny 215 myń AQSh dollaryna jáne 71,8 tonnaǵa kóp pırotehnıka ákelingen.

Ótken jyldyń qańtar-qarasha aılarynda Qazaqstanǵa quny 448,9 myń AQSh dollary bolatyn 159,4 tonna taýar jetkizildi.