Qazaqstanda Otbasynyń tsıfrlyq kartasy jasaldy

NUR-SULTAN. QazAqparat - Áleýmettik kodeks jobasy aıasynda 1 qyrkúıekten bastap Qazaqstanda pılottyq rejımde Otbasynyń tsıfrlyq kartasy (budan ári – OTsK) iske qosylady, dep habarlaıdy QazAqparat.

QR Eńbek jáne halyqty áleýmettik qorǵaý mınıstrliginiń baspasóz qyzmeti taratqan aqparattarǵa qaraǵanla, bul aqparattyq júıe azamattarǵa proaktıvti formatta, ıaǵnı alýshynyń ótinishin kútpeı-aq kómek kórsetýdi kózdeıdi, sondaı-aq sybaılas jemqorlyq táýekelderin tómendete otyryp, qyzmetti jedeldetýge jáne tıisti memlekettik kórsetiletin qyzmetterdiń sapasyn jaqsartýǵa múmkindik beredi,

Otbasynyń tsıfrlyq kartasy – bul ártúrli memlekettik organdardan alynǵan málimetterdi jınaqtaıtyn, azamattardyń áleýmettik ál-aýqatynyń deńgeıin aıqyndaýǵa jáne olarǵa proaktıvti formatta kepildik berilgen memlekettik qoldaý kórsetýge múmkindik beretin aqparattyq júıe.

OTsK-da 6 mln otbasyna bólingen barlyq 19,4 mln azamat týraly derekter jınaqtalǵan.

Otbasylardyń ál-aýqatynyń deńgeıi 5 krıterıı boıynsha aıqyndalady: ekonomıkalyq ómir súrý jaǵdaılary, densaýlyq saqtaý qyzmetterimen qamtý jáne múgedektigi bar adamdardyń bolýy, turǵyn úı jaǵdaılary, áleýmettik jaǵdaılar, bilim berý qyzmetterimen qamtý jáne otbasy músheleriniń bilim deńgeıi.

Otbasynyń tsıfrlyq kartasynyń jumys isteý algorıtmi mynadaı túrde iske asyrylǵan: memlekettik qoldaý sharalaryn alýǵa quqyq belgilengen kezde, áleýetti alýshyǵa memlekettik qyzmet kórsetýge kelisim alý úshin SMS-habarlama jiberiledi. Kelisim alǵannan keıin áleýmettik járdemaqy, tólem nemese memlekettik qoldaýdyń ózge de túri taǵaıyndalyp, keıinnen alýshynyń bank shotyna aýdarylady.

Jobany iske asyrý kezeńderi:

- osy jylǵy 1 qyrkúıekten bastap járdemaqylar men áleýmettik tólemderdiń 9 túri boıynsha jańa formatta qyzmetter alý múmkindigi usynyldy;

- 2023 jylǵy 1 qańtardan bastap tizbe áleýmettik qorǵaý salasyndaǵy qyzmettermen keńeıtiletin bolady;

- 2024 jylǵy 1 qańtardan bastap densaýlyq saqtaý jáne bilim berý salalaryndaǵy memlekettik kepildikter engiziledi;

- 2025 jyldan bastap memlekettik kepildikterdiń barlyq túrleri qamtylady.

OTsK-ny pılottyq iske qosýǵa daıyndyq barysynda QR Eńbekmıni jelisi boıynsha memlekettik kórsetiletin qyzmetterge muqtaj azamattar anyqtaldy. Al bıylǵy 1 qyrkúıekten bastap olarǵa proaktıvti qyzmet kórsetýge SMS-habarlamalar jiberiletin bolady.