Qazaqstanda otandyq taýar týraly úzdik rolıkter tańdaldy
«NADLoC» ulttyq agenttiginiń baspasóz qyzmeti habarlaǵandaı, 10 qazannan 5 jeltoqsanǵa deıin áleýmettik jelilerge (Facebook pen Instagram) barlyq óńirden otandyq taýarlar týraly 48 vıdeorolık kelip túsken. Quramyna buqaralyq aqparat quraldarynyń ókilderi, blogerler, rejısserler men qoǵam qaıratkerleri kiretin tańdaý komıssııasy avtorlardyń jumystarymen tanysty. Komıssııa músheleri qazaqstandyq taýar óndirýshilerdi qoldaıtyn jáne mańyzdylyǵy beınelengen 3 úzdik jumysty tańdap aldy. Konkýrs nátıjesi boıynsha, birinshi oryndy Almaty qalasynan Alııa Qalıajdarova, ekinshi oryndy Almaty qalasynan Sergeı Panıhın jáne úshinshi oryndy Astana qalasynan Qasymova Zere jeńip aldy. Budan bólek, otandyq kompanııalardyń yntalandyrý syılyqtarymen Semeı qalasynan Arynǵazy Ádilbek, Aqtóbeden Babanov Rahman, Pavlodardan Saǵıt Eleonora, Astanadan Qasymova Zere, Atyraýdan Gavrılov Pavel, Astanadan Qalımoldaev Danııar, Almaty qalasynan Sergeı Panıhın marapattaldy.