Qazaqstanda otandyq turaqtandyrǵyshty paıdalanyp, jol sapasyn jaqsartý jumysy bastaldy
Tekserýden ótip, «sary» jáne «jasyl» mártebege ıe bolǵan otandyq ázirlemelerge erekshe nazar aýdarylady, bul olardyń sapa jáne qaýipsizdik standarttaryna sáıkestigin rastaıdy.
«Qazaqstan sortańdardan bastap qumdysazdaqtarǵa deıin tórt topyraq-geografııalyq aımaqqa bólinedi. Topyraqtyń barlyq túrlerinde jáne ártúrli klımattyq jaǵdaılarda birdeı tıimdi jumys isteıtin ámbebap ónim joq. Ár aımaq turaqtandyrǵyshtardy tańdaýda ár túrli tásildi qajet etedi. Materıaldardy irikteýdegi qatelikter júrgiziletin jumystardyń tıimdiligin tómendetip, joldardyń sapasyn edáýir nasharlatýy múmkin», - dep atap ótti «QazjolǴZI» AQ Jańa tehnologııalar basqarmasynyń jetekshi ınjeneri Ásemgúl Nyǵmetova.
Zertteýler Batys-Qazaqstan jáne Aqtóbe oblystarynda bastaldy, onda jergilikti atqarýshy organdar avtomobıl joldarynyń sapasyn jaqsartý úshin ǵylymı-tehnıkalyq súıemeldeýge qyzyǵýshylyq bildirip, «QazjolǴZI» AQ ǵalymdarymen tıisti memorandýmǵa qol qoıdy.
«QazjolǴZI» mamandary eń tıimdi sheshimderdi tańdaý úshin árbir klımattyq aımaq úshin materıaldarǵa egjeı-tegjeıli testileý júrgizedi. Zertteý nátıjeleri boıynsha merdiger uıymdarǵa topyraq túrine jáne klımattyq jaǵdaılarǵa baılanysty topyraq turaqtandyrǵyshtaryn ońtaıly paıdalaný boıynsha usynystar ázirlenetin bolady. Bul búkil el boıynsha jol negizderiniń sapasyn jaqsartýǵa jáne joldardyń qyzmet etý merzimin uzartýǵa múmkindik beredi.