Qazaqstanda ortasha aılyq — 585 dollar: Júz shaqty eldiń ishinde 61-orynda tur

<p>ASTANA. KAZINFORM — Álemdegi qalalar men memleketterdiń derekterin bir bazaǵa toǵystyrǵan Numbeo resýrsy qańtar aıyndaǵy mańyzdy kórsetkishterdiń reıtıngisin jarııalady.</p>

Bul reıtıngtiń ishinde ortasha aılyq pen ómir sapasy ındeksteri de bar.

Numbeo ortasha aılyqty eseptegen kezde odan alynatyn salyqty shegerip tastaǵan.

Sonymen halyqaralyq resýrstyń baǵalaýynsha, Qazaqstandaǵy ortasha aılyqtyń kólemi — 585 dollar (búgingi baǵammen alǵanda 262 myń 80 teńge — red.).

Mundaı kórsetkishpen Qazaqstan tizimge engen 97 eldiń ishinde 61-orynda tur.

«Bul kórsetkishtiń ulttyq statıstıka bıýrosy eseptegen ortasha nomınaldy aılyqtan aıyrmashylyǵy bar (350,5 myń teńge). Biraq bul shama ortasha medıandy aılyqpen shamalas (230,9 myń teńge). Demek, Numbeo-nyń derekteri shyndyqqa uqsaıdy», — dep jazady Finprom.kz.  

Bul reıtingtiń basynda jaldamaly jumystaǵy azamattarynyń salyqty shegerip tastaǵandaǵy ortasha aılyǵy 6,6 myń dollar bolatyn Shveıtsarııa bastap tur.

Salystyrsaq, Shveıtsarııanyń kórsetkishi Qazaqstannan 11 ese kóp.

Numbeo 84 memlekettegi ómir sapasynyń ındeksin de eseptegen.

Bul kórsetkishti esepteý kezinde ómirdi saqtandyrý quny, qaýipsizdik deńgeıi, densaýlyq, ekologııa, baspana baǵasy sııaqty kórsetkishterdi esepke alǵan.

Osylaısha Qazaqstandaǵy ómir sapasyna 185,8 ındeksi berilgen.

Bul 84 eldiń ishinde 73-oryn degen sóz.