Qazaqstanda OPEK+ kelisimi aıasynda munaı óndirý kólemi azaıdy

NUR-SULTAN. QazAqparat – Aǵymdaǵy jyldyń alǵashqy eki aıynda Qazaqstanda munaıdyń 11,6 mln tonnasy óndirildi, bul ótken jylǵy kórsetkishke qaraǵanda 13,2 paıyzǵa tómen, dep habarlaıdy QazAqparat energyprom.kz saıtyna silteme jasap.

Munaı óndirý kólemin qysqartý OPEK+ kelisimderimen qarastyrylǵan. Bul kórsetkishkóp uzamaı joǵarylaýy múmkin: 1 sáýirde OPEK+ elderi mamyr jáne maýsym aılarynda munaı óndirý kólemin táýligine 350 myń barrelge, al shildede – táýligine 450 myń barrelge ósirýdi kelisti.

Óńirlik deńgeıde eki aıda eń kóp munaı Atyraý oblysynda óndirilgen: 7,5 mln tonna, bul ótken jyldyń osyndaı kezeńine qaraǵanda 16,1 paıyzǵa az.

Munaı óndirýden úzdikter «úshtigine» kirgender arasynda sondaı-aq Mańǵystaý (2,6 mln tonna ) jáne Aqtóbe oblystary (758 myń tonna) bar. Bul óńirlerde «Nort Kaspıan Opereıtıng Kompanı N. V.» fılıaly, «Teńizshevroıl» JShS, «Embimunaıgaz» AQ (Atyraý oblysy), «Qarajanbasmunaı» AQ, «Mańǵystaýmunaıgaz» AQ, «Qaraqudyqmunaı» JShS (Mańǵystaý oblysy) jáne taǵy basqa kompanııalar jumys isteýde.

Jalpy alǵanda, 2020 jyldyń qańtar-jeltoqsan aılarynda kompanııalar munaı óndirý kólemin 7,1 paıyzǵa, ıaǵnı 73 mln tonnaǵa qysqartqan.