Qazaqstanda ońtústikkoreıalyq kólikterdiń bólshekteri óndiriledi

<p>ASTANA. KAZINFORM — Prezıdent Qasym-Jomart Toqaev Qazaqstan-Koreı bıznes forýmynda Kia kompanııasyna Qazaqstandy óz zaýytyn salatyn alǵashqy el retinde tańdaǵany úshin alǵys aıtty. </p>

«Avtomobıl qurastyrý salasynda ózara tıimdi ónerkásip kooperatsııasy qalyptasty. Qazirdiń ózinde Qazaqstanda Hyundai markaly avtomobılder tabysty qurastyrylyp jatyr. Kelesi jyly ınvestıtsııa kólemi 200 mln dollar bolatyn, tolyq tizbekti Kia zaýytynyń iske qosylǵanyn kútip otyrmyz. Bul kompanııa óz tarıhynda alǵash ret Ońtústik Koreıadan tys aýmaqta zaýyt salýǵa aqsha salyp otyrǵanyn, ol úshin dál Qazaqstandy tańdaǵanyn aıtý kerek. Biz buǵan razymyz», — dedi Memleket basyshsy.

Qasym-Jomart Toqaev Qazaqstanda ońtústikkoreıalyq kólikterdiń bólshekteri óndirile bastaıtynyn atap ótti.

«Sejong, EHWA, Yongsan, Motrex avtomobıl ónerkásibin damytýdyń kezekti satysyna kirisip, Qazaqstanda avtobólshekter óndirisiniń klasterin qurýdy josparlap otyr», — dedi Prezıdent.