Qazaqstanda onlaın petıtsııa saıty iske qosyldy

<p>ASTANA. KAZINFORM &ndash; Endi elimizde petıtsııany onlaın formatta rásimdeýge bolady.</p>

Epetition.kz https://epetition.kz./ saıty resmı túrde búgin iske qosyldy jáne ol «Ulttyq aqparattyq tehnologııalar» aktsıonerlik qoǵamyna qaraıdy.

«Barlyq paıdalanýshylarǵa sizdi tolǵandyratyn másele týraly aıtyńyz, bizdiń veb-saıtta petıtsııa jasańyz», - delingen saıttyń basty betinde.

Atalǵan aqparattyq júıe – kelisimniń negizinde onlaın petıtsııalardy tirkeý jáne oǵan jaýap alý múmkindigin usynyp, qyzmet kórsetedi.

Veb-saıtty paıdalanýshynyń quqyqtary men mindetteri:

- Paıdalanýshy tirkelý kezinde ıelenýshige naqty ári tolyq aqparat usynýǵa mindetti;

- Paıdalanýshy Qazaqstan Respýblıkasynyń zańnamalyq aktilerin qasaqana nemese kezdeısoq buzbaýǵa mindetti;

- Paıdalanýshy ózin ekinshi tulǵa retinde kórsetpeýi, vırýs nemese basqadaı zııandy quramy bar baǵdarlamalyq materıaldardy paıdalanbaýy tıis.

Ielenýshiniń quqyqtary men mindetteri:

- Ielenýshi qajet jaǵdaıda paıdalanýshy engizgen derekterdiń dáıektiligin tekserýge quqyly, onyń ishinde memlekettik organdar men mekemelerge júgine alady.

Epetition.kz saıtynyń jalpy sharttarymen https://epetition.kz./agreement siltemege ótip tanysýǵa bolady.

Sondaı-aq, aqparat júıesin paıdalanýshylar úshin qupııalylyq saıasaty saqtalatyny aıtylǵan.

«Qupııalylyq saıasatyn saqtaý maqsatynda paıdalanýshynyń tolyq aty-jóni, JSN (jeke sáıkestendirý nómiri), elektrondy poshta, mekenjaıy, telefon nómiri men jeke tulǵany kýálandyratyn basqa da derekter talap etilýi múmkin. Saıtqa kirý sizdiń tirkelýińizdi jáne jeke aqparatty usynýyńyzdy qajet etpeıdi. Siz týraly barlyq jeke aqparat tek óziniń tikeleı maqsatyna saı paıdalanylady. Saıtty paıdalana otyryp, siz osy qupııalylyq saıasatynyń sharttarymen kelisesiz. Veb-saıtta jeke aqparat usyný erikti. Olardy usyna otyryp, siz saıtqa aqparatty málimdelgen maqsatta paıdalanýǵa ruqsat beresiz. Alaıda belgili bir aqparatty usynbaý, siz alǵyńyz kelgen qyzmetti kórsetýge kedergi keltirýi múmkin», - delingen onlaın petıtsııa saıtynda. 

Aıta ketsek, qajetti derekter suratýlardy qanaǵattandyrý úshin basqa memlekettik mekemelerge usynylýy múmkin.