Qazaqstanda onlaın-petıtsııa ınstıtýtyn engizý iske asyrý tetikterin pysyqtaýdy talap etedi - sarapshy

NUR-SULTAN. QazAqparat – Qazaqstanda onlaın-petıtsııa ınstıtýtyn engizý iske asyrý tetikterin pysyqtaýdy talap etedi. QR Prezıdenti janyndaǵy QSZI Áleýmettik-saıası zertteýler bóliminiń aǵa ǵylymı qyzmetkeri Slıamjar Ahmetjarov Memleket basshysy Qasym-Jomart Toqaevtyń jetinshi shaqyrylǵan Parlamenttiń alǵashqy sessııasynda jasaǵan úndeýine qatysty osyndaı pikir bildirdi, dep habarlaıdy QazAqparat.

«Memleket basshysy VII saılanǵan Májilistiń birinshi sessııasy barysynda halyqtyń qalyń jigine qatysty birqatar jańa bastamany atap ótti. Odan ári saıası jańǵyrtý baǵytynda onlaın-petıtsııalar ınstıtýtyn zań júzinde resimdeý qajettigi aıtyldy .

Onlaın-petıtsııalar ınstıtýty álemniń kóptegen elderinde jumys isteıdi. Jaqsy mysaldardyń biri Fınlıandııa tájirıbesi bolyp tabylady, munda Fınlıandııa Úkimeti maquldaǵan Open Ministry kraýdsorsıngilik platformasy halyq arasynda onlaın formatta qol jınaýǵa múmkindik beredi. Osy platformada tirkelgen paıdalanýshylar zań jobalaryn usynady. Ári qaraı, eger usynylǵan zań jobasy alty aı ishinde basqa tirkelgen paıdalanýshylardy qoldaýǵa 50 000 daýys jınasa, onda ol Fınlıandııa Parlamentine daýys berýge shyǵarylady.

Bir aıta keterligi, onlaın-petıtsııa ınstıtýty memlekettik júıeniń mańyzdy elementi bolyp tabylady. Birinshiden, petıtsııalar halyqtyń azamattyq belsendiliginiń ósýine yqpal etedi. Turǵyndarda birtindep ártúrli bastamalardy usyný, qol jınaý, qoǵamdyq jaǵdaıdy baqylaý jáne azamattyq belsendiliktiń basqa da túrleri qalyptasady. Ekinshiden, petıtsııa azamattardyń zań normalaryn ashyq nysanda qoldaýǵa ne qabyldaýǵa qarsy shyǵýǵa múmkindiginiń týyndaýyna baılanysty neǵurlym sapaly zań jobalaryn qalyptastyrýǵa múmkindik beredi. Úshinshiden, ótinishter bılik úshin áleýmettik kóńil-kúıdiń ózindik kórsetkishi bolyp tabylady. Kóp daýys jınaǵan petıtsııalar memlekettik organdar tarapynan erekshe nazar aýdarýdy jáne sheshý sharalaryn talap etetin problemalardyń bar ekenin kórsetetin bolady.

Sonymen qatar, Qazaqstanda onlaın-petıtsııa ınstıtýtyn engizý iske asyrý tetikterin pysyqtaýdy talap etedi. Bul ınstıtýttyń tıimdi jumys isteýi úshin azamattarǵa onlaın-petıtsııa berýge múmkindik jasaıtyn biryńǵaı memlekettik portal qurý múmkindigin qarastyrý qajet. Sondaı-aq, mindetti túrde memlekettik qurylymdar tarapynan qaralatyn petıtsııalar úshin mándi mejeni (qoltańbalardyń mınımaldy sanyn) anyqtaý qajet. Budan basqa, azamattardyń túpnusqalyq rastamasy - ETsQ, SMS-tekserý, elektrondyq poshtany tirkeý jáne basqa nysandar máselelerin qarastyrý qajet», - dedi ol.