Qazaqstanda onlaın mıtıngiler ótkizý usynyldy

ALMATY. QazAqparat - Almatynyń qoǵam belsendileri Qazaqstanda beıbit mıtıngilerdi onlaın rejımde ótkizýdi usyndy, dep habarlaıdy QazAqparat tilshisi.

«Ózderińiz bilesizder, bizde áleýmettik jeliler úlken ról atqarady. Sondyqtan, osy zańda (QR beıbit jınalystardy uıymdastyrý jáne ótkizý tártibi týraly) áleýmettik jeliler tendentsııasynyń júzege asqanyn qalaımyn. Munda onlaın-mıtıngiler, onlaın-saýalnamalar ótkizýge bolady. Sóıtip, kez kelgen adam onlaın-mıtıngiler arqyly óz pikirlerin bildire alady», - dedi Bolat Jumataev.

Óz kezeginde QR Aqparat jáne qoǵamdyq damý mınıstri Dáýren Abaev bul usynys nazarǵa alynatynyn jetkizdi.

«Bul keremet ıdeıa. Biz sizdiń usynysyńyzdy muqııat zertteımiz. Munda shynymen logıka bar. Muny qarastyrýǵa bolady. Biraq ǵalamtordaǵy mıtıngiler, saýalnamalar «Halyq únine qulaq asatyn memleket» tujyrymdamasy aıasynda ótkiziledi. Eger bári onlaın rejıminde bolsa, onda nege bolmasqa», - dedi Dáýren Abaev.

Aıta keteıik, Almatyda QR Aqparat jáne qoǵamdyq damý mınıstri Dáýren Abaevtyń azamattyq belsendilermen kezdesýi ótip jatyr. Onda beıbit sherýlerdi ótkizý jáne uıymdastyrý tártibi jónindegi QR zańyn jetildirý máselesi qaralýda.