Qazaqstanda onkologııalyq derti bar 4,4 myń bala esepte tur – mınıstrlik

ASTANA. QazAqparat – Qazirgi tańda onkologııalyq aýrýy bar 4 400 bala mınıstrliktiń esebinde tur. Bul týraly Densaýlyq saqtaý vıtse-mınıstri Vıacheslav Dýdnık málim etti, dep habarlaıdy QazAqparat tilshisi.

«Onkologııalyq derpen aýyratyndarǵa medıtsınalyq kómek kórsetý - Densaýlyq saqtaý mınıstrligi jumysynyń óte mańyzdy baǵyty. El boıynsha 2 ortalyqta medıtsınalyq kómek kórsetiledi. Dıagnostıka turǵylyqty jeri boıynsha emhanada júrgiziledi. Dıagnoz qoıylǵan soń 2 respýblıkalyq ortalyqqa jiberiledi. Onda tolyq dıagnostıka jasalady. Elimizde 100 myń adamǵa shaqqanda onkologııalyq aýrý ár toǵyzynshy baladan anyqtalady. Álem boıynsha ortasha kórsetkish - 14-15. ıAǵnı, balalar arasynda onkologııalyq aýrýlardyń jıiligi álemdik ortasha kórsetkishten tómen», - dedi Vıacheslav Dýdnık OKQ-de ótken brıfıngide.

Vıtse-mınıstr sózinshe, jylyna orta eseppen onkologııalyq derti bar 600-ge jýyq bala esepke alynady.

«Jylyna ortasha 600-ge jýyq balany tirkeımiz. Onyń 60% - jedel leıkemııamen aýyratyndar. Ony emdeýde Qazaqstan eýropalyq standartty qoldanady. Bizdiń dárigerler gematologtarmen óte tyǵyz baılanysta. Olar únemi biliktiligin jetildirip ogtyrady. Jedel leıkemııamen aýyratyn balalardy emdeý tıimdiligi 75%-ǵa teń. Hımıoterapııanyń birinshi kýrsynan keıin oń áser etý kórsetkishi - 75%. Emdeý sharalary balanyń densaýlyǵyna jaqsy áser etedi. Qazirgi tańda bizdiń esepte onkologııalyq aýrýy bar 4 400 bala tur», - dep túıindedi Vıacheslav Dýdnık.